నీ మౌనం

నీ మౌనానిది సుందర వదనం

లోకాన్ని వెలివేసి
మన మధ్య గూడుకట్టిన నిశ్శబ్దంలో 

ధ్వనించే నీ శ్వాసలోని వెచ్చదనం,

తలపుల జడివానలో తడిసిన నాకు

నిలకడనిచ్చీ నిబ్బరమిచ్చీ

వేడిమి పంచే నెగడు చందం 

కానీ ,

నీ మౌనానిది మరో ముఖం

అనంతమైన ఊహలప్రవాహాన్ని పక్కకునెట్టి

విశ్వఘోషకు నే దూరంగా మెదిలీ

నీ ఉనికే సర్వస్వంగా ఆరాటపడ్డ క్షణం,

నీ పలుకు తేనె కోసం 

నా మనసు దప్పికగొన్న ఆ క్షణం ..

....నీ మౌనం 

...ఓ అశనిపాతం !